Бұл мақалада жеміс-жидек шикізаты негізінде алынған құрғақ ұнтақтардың микробиологиялық сапасы зерттелді. Бұл зерттеу жұмысы тағамдық қоспалардың микробиологиялық қауіпсіздігін бағалауға бағытталған. Жеміс ұнтақтары – тағам өнімдерінің құрамында табиғи биологиялық белсенді заттар көзі ретінде қолданылатын маңызды компоненттердің бірі. Алайда олардың микробиологиялық қауіпсіздігі – өндірісте пайдалану үшін басты талаптардың бірі. Зерттеу барысында алма (сорттары: «Превосход», «Лимонка»), қызыл және қара қарақаттан алынған ұнтақтардың микробиологиялық көрсеткіштері бағаланды. Микробиологиялық талдауда Compact Dry тест-жүйесі пайдаланылды. Бұл әдіс ішек таяқшасы тобы бактерияларын (E. coli), жалпы колиформдарды, сальмонеллаларды, ашытқылар мен зеңдерді анықтауға мүмкіндік берді. Зерттеу нәтижелері бойынша барлық үлгілерден қауіпті патогенді микроорганизмдер анықталған жоқ. Ал ашытқылар мен зеңдердің мөлшері рұқсат етілген деңгейден аспайтыны анықталды. Compact Dry жүйесі экспресс-анализ жүргізуге қолайлы. және нақты нәтижелер береді. Алынған мәліметтер ұнтақтарды (өсімдік тектес) тағам өндірісінде қауіпсіз қолдануға болатынын дәлелдейді.
Осы зерттеу «Думан», «Никола» және «Ишимский» сұлы сорттарының және сұлы сусындарының микробиологиялық сапасын бағалауға бағытталған. Талдау зертханалық жағдайда, нормативтік құжаттармен бекітілген стандартты әдістерді қолдана отырып жүргізілді. Жұмыс аясында өнімнің санитарлық-гигиеналық жай-күйін сипаттайтын негізгі микробиологиялық көрсеткіштер зерттелді. Алынған нәтижелер барлық үлгілердің қауіпсіздік талаптарына толық сәйкес келетінін көрсетті, бұл өнімнің жоғары сапасын растайды және оны үнемі бақылап отыру қажеттілігін көрсетеді.